Rais Kenyatta adokeza kuwa mafisadi wataadhibiwa vikali

Rais Uhuru Kenyatta ametaka vita dhidi ya ufisadi kuongezwa makali ili kuweza kuafikia ufanisi unaotarajiwa na wananchi.
Akiliongoza taifa kwenye maadhimisho ya siku ya mashujaa, Rais Kenyatta alitoa changamoto kwa jaji mkuu mpya David Maraga atumie wadhifa wake kuwaonyesha wafisadi kuwa hawana nafasi tena humu nchini. Rais pia alisisitiza umuhimu wa umoja wa kitaifa na siasa zilizokomaa katika hafla hiyo ambayo pia ilihudhuriwa na viongozi wa upinzani Kalonzo Musyoka na Moses Wetangula.