Rais Uhuru Kenyatta azuru maeneo ya Kiambu

Rais Uhuru Kenyatta amewataka viongozi wa Jubilee kusitisha kampeni za kuwasajili wanachama wake na badala yake kujitosa kikamilifu kuwahamasisha wapiga kura wajitokeze kusajiliwa. Akizuru kaunti ya Kiambu, Rais Kenyatta amewasisitizia wagombea wa Jubilee kukomesha malumbano na kuweka juhudi zao pamoja kuhakikisha kuwa upinzani hautwai mamlaka. Naye naibu rais William Ruto alikita kambi katika kaunti ya Turkana.