Wauguzi wanaogoma Meru wahimizwa kurudi kazini

Serikali ya kaunti ya Meru imewaagiza wauguzi wanaogoma katika hospitali ya mafunzo na rufaa ya Meru, warudi kazini mara moja, la sivyo wachukuliwe hatua kali za kisheria. Uongozi wa kaunti hiyo umekana madai kuwa uliwafuta kazi wafanyakazi 1,800 ambao wamekuwa wakigoma. Hata hivyo, katibu wa kaunti hiyo Julius Kimathi amesisitiza kuwa wanaogoma hawatalipwa mshahara wa mwezi huu wa oktoba.